Биздан сизга ким керак?
XS.UZ
Фоторепортаж: Шавкат Мирзиёевнинг Корея Республикасига давлат ташрифи (22-23 ноябрь) Иш билан банд бўлмаган юртдошларимиз диққатига! Жанубий Корея Ўзбекистонга 500 миллион АҚШ доллари миқдорида сармоя йўналтиради Ўзбекистон — Корея Республикаси: ҳамкорликни ривожлантириш учун мавжуд имконият ва салоҳият тўлиқ ишга солинмаётгани қайд этилди Ўзбекистон ва Қозоғистон Президентлари бир-бирларини қутладилар Спорт паспорти тўғрисидаги низом тасдиқланди. Ундан қандай ҳолларда фойдаланиш мумкин? Тошкентга 24 ноябрь куни Аскар Мамин бошчилигида делегация келади Адлия вазири Руслан Давлетов Қозоғистон Республикасининг Ўзбекистондаги элчиси Эрик Утембаев билан учрашди Парк Вон Сун Шавкат Мирзиёевга Сеул шаҳрининг фахрий фуқаролигини топширади Демократик қадриятларга содиқлик ифодаси Тошкент метрополитени: Ривожланишнинг дадил одимлари Дарёнинг ҳам эгаси бор! Сайёҳ кейинги сафар гилам олади Фермер хўжалигида энди чеварлар ҳам ишлайди Антиқа гуруч «Китоб 24» акцияси: Фаол мутолаа майдони Хоразмда Халқаро Амударё кунлари Икки босқичли модернизация Жиноятнинг илдизи қаерда? Олтинкўлнинг кўркам бозори Ислом Каримов ёдгорлик мажмуасида Япониянинг «Сока Гаккай» ташкилоти вице-президенти Кендзи Йосиго билан учрашув ўтказилди Эксклюзив: Мун Чжэ Ин Мирзиёевни Кореяга нима учун таклиф қилганига изоҳ берди Кореяда “Ўзбекистон Республикаси Президенти Шавкат Мирзиёев” номли китоб чоп этилди Шавкат Мирзиёев Жанубий Корея - Ўзбекистон бизнес-форумида иштирок этди Президент қарори:“Мард ўғлон” давлат мукофоти таъсис этилди Меҳнат вазирлиги ҳамда Кичик ва ўрта бизнес конвергент ассоциациялари Уюшмаси (Корея) ўртасида меморандум имзоланди Тошкент – Сеул: Кореялик ишбилармонлардан интервью (Видео) Ўзбекистонда “Hyundai” автомобиллари ишлаб чиқарилади Ўзбекистон ва Корея Республикаси ўртасида қиймати 12,3 миллиард АҚШ долларидан зиёд бўлган 75 та ҳужжат “Evergreen Holdings” (Корея) Ўзбекистонда цемент заводи қурилиши учун 300 миллион доллар сармоя киритади
  • 31 Июль 2014

Биздан сизга ким керак?

“Миллионлар ўйини” ишқибозлари “футбол бозори”да кечадиган олди-сотди жараёнларини доимо катта қизиқиш билан кузатиб боришади. Ҳозир айни ёзги трансфер мавсуми қизғин паллага кирган пайт. Гарчи янги харидларни амалга ошириш учун жамоалар олдида деярли бир ой вақт бўлса-да, жаҳоннинг етакчи клублари аллақачон шов-шув кўтаришга улгуришди. Келинг, улардан айримлари ҳақида тўхталиб ўтсак.

Испаниянинг “Реал” (Мадрид) ҳамда “Барселона” клублари ўз таркибларини номдор ўйинчилар билан тўлдириш борасида азалдан рақобатлашишади. Қарангки, ушбу анъана бу гал ҳам давом этаяпти. Аввалига каталонияликлар Англиянинг “Ливерпуль” жамоасидан Луис Суаресни 81 миллион евро эвазига сотиб олиб, шу орқали 2014 — 2015 йилги мавсумда ўз олдиларига улкан мақсадларни қўйишганини баён қилган бўлишди. Лекин “Барселона”нинг янги вакили дастлабки турларда клубига ёрдам беролмайди. Биласиз, яқинда Бразилияда ўтказилган жаҳон чемпионати баҳсида Суарес италиялик ҳимоячи Жоржо Кьеллинини тишлагани учун ФИФА томонидан жазога тортилган. У миллий терма жамоасининг 9 та расмий учрашувидан ва 4 ой давомида футбол билан боғлиқ ҳар қандай фаолият туридан четлатилган. Мана шундай шароит бўлишига қарамай, унинг “бозори чаққон”лиги эътиборга лойиқ. Дарвоқе, уругвайлик ҳужумчининг каталонияликлар сафига келиб қўшилиши Алексис Санчеснинг “Барселона”даги фаолиятига якун ясади. Санчес 37,8 миллион евро эвазига Лондоннинг “Арсенал” жамоасига ўтиб кетди.
Кўпчиликни “Хўш, “Қироллик клуби” энди қандай йўл тутаркин?” деган савол жавоби қизиқтираётганди. Мадридликлар ҳам бўш келишгани йўқ. Улар йигирманчи жаҳон чемпионатида рақиблар дарвозасига энг кўп гол киритиб, мухлису мутахассисларнинг эътирофини қозонган колумбиялик ярим ҳимоячи, Франциянинг “Монако” клуби аъзоси Хамес Родригесни 80 миллион евро эвазига харид қилишди. Диққатга сазовор жиҳати, ҳали янги мавсумга старт берилмасданоқ Родригес “Реал”га мўмай даромад келтира бошлади. Гап шундаки, спортчининг исми туширилган футбол либослари сотувга чиқарилгач, 48 соат ичида клуб ғазнасига 26 миллион евро маблағ тушди. Яъни икки кунда 345 мингта либос пулланди. У майдонда қандай наф келтиради? Буни тез орада билиб оламиз.
“Қироллик клуби”нинг яна бир шов-шувли трансфери 30 миллион евро эвазига ўз таркибини Тони Кроос (“Бавария”) билан кучайтиргани бўлди.
Шунингдек, қуйидагилар ёзнинг энг қиммат трансферлари сифатида қайд этилди: Давид Луис “Челси”дан “ПСЖ”га (49,5 млн. евро), Диего Коста “Атлетико” (Мадрид)дан “Челси”га (38 млн. евро), Люк Шоу “Саутгемптон”дан “Манчестер Юнайтед”га (37,5 млн. евро), Андер Эррера “Атлетик Бильбао”дан “Манчестер Юнайтед”га (36 млн. евро), Сеск Фабрегас “Барселона”дан “Челси”га (33 млн. евро), Адам Лаллана “Саутгемптон”дан “Ливерпуль”га (31 млн. евро), Деян Ловрен “Саутгемптон”дан “Ливерпуль”га (25 млн. евро) ўтди.
Кўплаб спорт нашрлари яқин кунларда қуйидаги футболчилар ҳам бошқа жамоаларга ўтиши мумкинлиги ҳақида ёзмоқда. Жумладан,  “Манчестер Юнайтед” ҳужумчиси Хавьер Эрнандес “Атлетико” (Мадрид)да,  “Атлетико” (Мадрид) ҳимоячиси Миранда “Челси”да, “Челси” дарвозабони Петр Чех “ПСЖ”да, “Ювентус” ярим ҳимоячиси Артуро Видаль “Манчестер Юнайтед”да ўз фаолиятини давом эттириши мумкинлиги айтилмоқда.


Ш. ОРТИҚОВ тайёрлади.

 

 

 

Мазкур рукндаги бошқа мақолалар: « Соғлом турмуш гарови Камолот пиллапоялари »

СЎНГГИ ЯНГИЛИКЛАР