XS.UZ
Ўзбекистоннинг Германиядаги янги Фавқулодда ва мухтор элчиси тайинланди Ўзбекистон Республикасининг Испания Қироллигидаги элчихонаси маслаҳатчиси, муваққат ишлари вакили тайинланди Дахлдорлик туйғуси Мамлакатимиз тўқимачилик ва енгил саноатининг экспорт салоҳияти Ўзбекистон — Туркия: Икки томонлама ҳамкорликни мустаҳкамлашда муҳим қадам «Ўзбекистон янги марраларни кўзламоқда» Шанхай ҳамкорлик ташкилотига аъзо давлатлар Адлия вазирларининг бешинчи мажлиси тўғрисида ахборот Ёш халқаро шахмат устаси Жавоҳир Синдоровга Президентимиз совғаси топширилди Битим имзоланди Сўз ва амал уйғунлиги — улуғ фазилат Тил — миллат кўзгуси Корхона ривожи таъминланади Илм-фан фидойисига эҳтиром Ер — бебаҳо хазина Тафаккур дунёсига йўл Олтинкўлда ХVI-XVII асрларга тааллуқли тангалар топилди Замонавий шифохона Жаҳон чемпионати совриндори Нуфузли мусобақа арафасида Тажрибали рақибидан устун келди “Халқ сўзи” ва “Народное слово” таҳририяти ходимлари пахта йиғим-теримида фаол иштирок этмоқда Агрепина Шин Ўзбекистон Республикаси Мактабгача таълим вазири ЕТТБ тадбиркорлик субъектлари учун кредитлар тақдим этади Депутатлар ислоҳотларнинг ҳуқуқий базасини янада такомиллаштиришга қаратилган қонун лойиҳаларини кўриб чиқдилар Инновацион ишланмалар нефтни қайта ишлаш соҳаси ривожини жадаллаштиради Савдо-иқтисодий муносабатлар янада мустаҳкамланади Ҳарбийларимиз “Кембрия патрули” халқаро танловида совриндор бўлди «Ўзбекистоннинг тенг ҳуқуқли фуқаросиман!» Мактабгача таълим соҳасида замонавий тизим яратилади Илғор тажрибалар ва бозор механизмлари
  • 05 Апрель 2014

Тўйдан сўнгги «хамиртуруш»

Урганч шаҳридаги Бобур маҳалласининг каттаю кичиги  Бобожон ота номини ҳурмат билан тилга олади. Эл хизматига белини маҳкам боғлаган отахон ҳамиша маҳалладошларининг тўю маъракасида бош-қош.

У билан кенгашиб олинса, кўнгил хотиржам бўлади. Бундай маҳалда бобо ўз талабини ўртага қўяди. —  Исрофгарчилик, — дейди отахон,  — ошингни кўчага тўкиш, деган гап. Бу эса кони гуноҳ. Исрофгарчиликка асло йўл қўймаймиз. Ортиқча ҳашамга сарфланадиган пулни ёшларнинг ўзларига берамиз. Рўзғорга керакли буюм олишади. Бобонинг маслаҳатлари шу билан тугаб қолмайди. Тўйлардаги дабдабабозликка чек қўйиш, тўйларни ихчам ўтказишни айни муддао, деб ҳисоблайди у. Бугун Бобожон отанинг ўгитларига амал қилиб, барака топганлар кўп.  — Тўй қилиб қарздор бўлиб қоламанми, деб ўйлагандим, — дейди ана шундай маҳалладошлардан бири. — Худога шукр, қайтага қўлимда бир оз “хамиртуруш” ҳам қолди. Унга қўшиб, “Матиз” сотиб олмоқчимиз. “Бу дунё яхши одамлар ва хайрли амаллар билан обод”, дейди доноларимиз. Дарҳақиқат, самимий, меҳридарё, фидойи инсонлар боис ҳаётимиз тўкис, кунларимиз ёруғ. Бобожон ота ҳам ана шундай одам. Яқинда у маҳалласидаги бир ногирон йигитга ўз отасидек меҳрибонлик кўрсатди. Уни уйлантириб қўйди.

— Шомурод  нутқида бир озгина нуқсони бўлганлиги учун кўнглини очолмай юрганини сезардим, — дейди Бобожон ота. — У билан гаплашдим. “Уйлантириб қўйсам, нима дейсан?” десам, рози бўлди. Бу — масаланинг бир томони. Иккинчи томони — келин танлаш. — Уч ойга яқин келин қидирдим, — дейди ота. — Бутун шаҳарни айландим, десам, муболаға эмас. Охири топдим. Чеккароқдаги маҳаллалардан  биридаги танишим жонимга оро кирди. У маҳалламизда яхши бир қиз бор, деб қолди. Ўзи тикувчи экан. Танишим билан  қизникига бордик. Ота-онанинг розилигини олиб, ёшларни кўриштирдик. Қиз  рози бўлди. Чиройли тўй қилдик...
Яқинда отахон фуқаролар йиғинида ўтказилган мажлислардан бирида кам таъминланган икки оила фарзандларининг тўйини ўтказиш масаласини ўртага қўйди. Таклифни ҳамма қўллаб-қувватлади. Ҳатто шу ернинг ўзида ҳомийлар ҳам топилди.  Хайрли ва савоб  ишдан бошқалар ҳам четда қолмасин, дея у дам олиш куни маҳаллани бир қур айланиб чиқди. Ҳеч кимга ҳеч нарса демади. Фақат тўйга таклиф этди. Шунинг ўзидан хулоса чиқарган кўплаб маҳалладошлари тўй бошида бўлишди. Маҳаллада ўтган тўйдан сўнг барчанинг қалбига илиқлик югурди. Ҳақиқатан ҳам, меҳр-оқибат, аҳиллик ва тотувликни ўзида жо қилган қадриятларимиз мисли гавҳардек қалбларимизга нур, ҳаётимизга сурур бағишлайди. Бугун бундай қадриятларимиз эъзозланиши бежиз эмас. Чунки эзгу амалларни ўзига одат қилган одамлар  юртимизда кўп. Шундай инсонлар доимо бор бўлсин!

Сотим АВАЗ.

Мазкур рукиндаги бошқа мақолалар: « Яхшиликнинг умри боқий Баҳор »

Кўриш қобилияти чекланганлар учун

A- A A+

Кўп ўқилган