XS.UZ
Ўзбекистон халқ артисти Комилжон Отаниёзов таваллудининг 100 йиллик байрами қатнашчиларига Атоқли санъаткор хотирасига эҳтиром Пойтахтимизнинг «жанубий дарвозаси» янада қулай, шинам ва кўркам бўлади Академия профессионал кадрлар тайёрлаш маскани бўлмоғи лозим Дори-дармон таъминотида сунъий тақчиллик юзага келмайди Сув келтирган элда азиз Ўзаро манфаатли ҳамкорликни янги даражага олиб чиқиш йўлида Академик Борис Бондаренко Изланиш ва янгича ишлаш самараси аҳоли бандлигини таъминлашда ўз ифодасини топмоқда Жиноятга жазо муқаррар, аммо... Ривожланиш истиқболлари муҳокамаси Ҳамюртимиздан ўтадигани топилмади Нодир асарлар хазинаси «Ягонасан, муқаддас Ватан!» Сиёсий партиялар: Амалий ишлар билан халқ ишончини қозониш мумкин Солиққа оид ўзгаришлар тадбиркорлар манфаатларига хизмат қилади Ишбилармон хотин-қизлар ташаббуси қўллаб-қувватланмоқда Хорижий инвестор: яратиб берилаётган имкониятлардан мамнунмиз Осуда ва хотиржам ҳаёт «Бир болага етти маҳалла ҳам ота, ҳам она» «Нексия» музейдан жой олди Мурожаатлар адолатли ечим топмоқда Асосий мақсад — одил судловни таъминлаш Ҳавзалар баракаси 40 минг тоннага кўпаяди «Муҳаббат оламининг булбули» Юракдан куйланган қўшиқлар «Замонамиз қаҳрамонлари» Солиқ маъмуриятчилигини тубдан такомиллаштириш, солиқлар ва бошқа мажбурий тўловларнинг йиғилувчанлигини ошириш чора-тадбирлари тўғрисида «Маҳалла ифтихори» — ҳам рағбат, ҳам шараф Депутат «юқори»дан топшириқ кутмаслиги керак
  • 21 Апрель 2016

Истеъдод тантанаси

Буркит Пиязов — 55 ёшда. Нукус шаҳридаги 1-болалар мусиқа ва санъат мактаби ўқитувчиси.

Инжигул Сабурова — 54 ёшда. Қорақалпоғистон Республикасида хизмат кўрсатган маданият ходими. “Мухаллес” номидаги дуторчилар ансамбли созандаси.

Уларнинг ёшлик чоғида Қорақалпоғистонда таълим ҳамда санъат кошоналари кам эди. Яъни пухта билим олиш, самарали ижод қилишлари учун имконият етарли эмасди. Шу боис саҳналаштирилган қатор спектакллару яратилган бошқа санъат асарлари оммавий тарзда намойиш этилмаган. Натижада аҳоли, хусусан, ёшларнинг аксарияти ижод маҳсулларидан бебаҳра қолган. 

Шундай қилиб, бу пайтда санъат оламига кириб келган ижодкорларнинг жўшқин илҳомга тўла дамлари мустабид тузумнинг шамолларида ҳавога учди. Жумладан, Буркит -Пиязов, Инжигул Сабурова ҳам иқтидорининг бор бўй-бастини кенг намоён эта олишмади. Буни қарангки, шу оила фарзанди Женисбек Пиязов эса йигирма ёшига етиб-етмай, мустақил юртимизнинг опера хонандаси сифатида танилди. Дунёнинг нуфузли фестивалларида Моцарт, Ж. Верди, Ж. Россинининг нодир асарларини қойилмақом ижро этиб, нималарга қодирлигини кўрсатиб қўйди.

Она Ватанни улуғлаш ҳар доим шараф саналган. Женисбекнинг изланишлари давлатимиз томонидан муносиб баҳоланди. 2007 йили “Ниҳол” мукофотига сазовор бўлди. Мустақиллигимизнинг 19 йиллиги арафасида Президентимиз Фармонига биноан, “Шуҳрат” медали билан тақдирланди.

Женисбекнинг бахту иқболидан ҳаммадан ҳам кўра, унинг ота-онаси қувонади. Фарзандининг ютуқлари уларга катта хурсандчилик бағишлайди, гўёки ўзларига армон бўлиб қолган орзуларининг ижобатини унда кўргандек бўлади.

Шу ўринда яна бир гап. Женисбек қисқа фурсат ичида дунё опера санъати вакилларининг эътиборини ўзига қарата олди. 2010 йили Озарбайжонда ўтган танловда, 2011-2012 йилларда Германиянинг Мюнхен шаҳрида ташкил этилган опера фестивали, -вокалчилар ўртасида Муслим Магомаев номидаги халқаро танловда уни гулдурос қарсаклар билан кутиб олишди. Негаки, у жаҳон аҳлига истеъдоднинг тантанасини исботлаб берди.

— Ўз иқтидори билан халқининг назарига тушиш, жаҳон саҳналарини забт этиш, дунё санъат ихлосмандларининг эътирофу олқишига сазовор бўлиш — ҳар бир санъаткорнинг эзгу мақсади, — дейди Ж. Пиязов. — Мамлакатимизда биз, ёшларнинг таълим олишимиз, касб-ҳунар эгаллашимиз, ўз салоҳиятимизни намоён қилишимиз учун яратилаётган кенг имкониятлар болалик орзуларимнинг рўёбга чиқишида қанот бўлмоқда.

Иқтидорли вокалчи 2014 йили Президентимизнинг Фармонига мувофиқ, “Ўзбекистон Республикасида хизмат кўрсатган артист” фахрий унвонига муносиб кўрилди. Албатта, бундай бахтли онларни сўз билан таърифлаш мушкул. Аммо бунинг замирида юртимизда ёш истеъдод эгаларини рағбатлантириш, уларни ҳар томонлама қўллаб-қувватлашдек эзгу фазилатлар мужассамлигини дилдан ҳис қиласан, киши.

 

Дилмурод СОДИҚОВ,

«Халқ сўзи» мухбири.

 

Кўриш қобилияти чекланганлар учун

A- A A+

Кўп ўқилган