XS.UZ
Ўзбекистон Республикаси фуқаролигига қабул қилиш тўғрисида Қатъий мақсад, пухта режа, қулай шароит муваффақиятларга эришишнинг муҳим омилидир Оилаларнинг турмуш фаровонлигини юксалтириш Ижтимоий аҳамиятга молик лойиҳалар қўллаб-қувватланмоқда Фаолият самарадорлигини оширишга қаратилган тадбирлар Одил судлов ва замонавий талаблар Илм-фан ривожи — жадал тараққиёт гарови Китоб байрами Экскурсия етакчилари салоҳияти Экскурсия етакчилари салоҳияти Ўзбекистон Республикаси суд тизими тузилмасини тубдан такомиллаштириш ва фаолияти самарадорлигини ошириш чора-тадбирлари тўғрисида Ҳаракатлар стратегияси —  ислоҳотларнинг янги босқичи Пул муомаласи ва ҳисоб-китоб халқимиз учун қулай шаклда бўлади Илғор агротехнологиялар ва замонавий ёндашувлар Маданият ва спорт ривожи истиқболлари Эзгуликнинг табаррук ошёни Самимий қутловлар Эзгу ташаббуслар, изчил ислоҳотлар Илм-фан тараққиётига юксак эътибор Йўллар ободлиги — иқтисодий ривожланиш омили Халқчил институт ва самарали фаолият Билимли, жисмонан етук ва фидойи Кўмирнинг чакана нархи 13 фоиз арзонлашди Етти хазинанинг бири Фанлар академияси фаолияти, илмий-тадқиқот ишларини ташкил этиш, бошқариш ва молиялаштиришни янада такомиллаштириш чора-тадбирлари тўғрисида Соғлом авлод — давлат ва жамият таянчи Аҳоли билан мулоқот ва амалий тажриба «Профилактика куни» тадбирлари бошланди Қулай инвестиция муҳити иқтисодиётимиз юксалишига хизмат қилмоқда «Олтин қалам»: Ижодий изланиш ва рағбат
  • 23 Май 2014

Оққуш парвозидек мафтункор

Бадиий гимнастиканинг таърифи шу ифодада мужассам, деб айтсам, муболаға бўлмас. Болалигимда телевизор орқали гимнастикачи қизларнинг оққушдек ҳаракатларини илк бор кузатганимда, уларга чин дилдан ҳавас қилган эдим. Келгусида мен ҳам улар даврасига қўшиламан, дея кўнглимга туккандим.

Ана шу истак мени Жомбой туманидаги олимпия захиралари тайёрлаш марказининг бадиий гимнастика тўгараги томон етаклади.

Тўғриси, аввалига бажараётган машқларимга жило беролмай анча қийналганман. Мураббийларим ва ота-онамнинг кўмаги билан ўз устимда тинимсиз ишлайвердим. Биласизми, шунда юракдаги иштиёқ борган сари аланга олди ва тез орада сабоқдошларимдан қолишмай ҳаракатланадиган бўлдим. 

Ўтган йиллар мобайнида спортнинг сеҳри, жозибаси бир зум мени тарк этмади. Мудом дилимга чўғ солиб, муваффақиятлар сари илҳомлантириб турди. Шунда англадимки, спорт — бахтим экан. Ана шу иқбол сурурини 2010 йили бадиий гимнастика бўйича мамлакат чемпионатида биринчи ўринни эгаллаганимда ҳамда 2011 йилда “Биллур капалаклар”, кейинги йил “Happy caravan” халқаро турнирларида муваффақиятли қатнашганимда янада теран ҳис этдим.

Спорт билан тиббиётни бири-биридан айри тасаввур қилиб бўлмайди. Ҳар иккиси ҳам кишини тетиклаштиради, саломатликни яхшилайди. Шу боис ўрта мактабни тамомлаб, ҳозирги кунда Сиёб тиббиёт коллежида ўқишни давом эттираяпман. Шу ўринда айтиб ўтишим керак, коллежимизда ҳар жиҳатдан тўкис билим олиш учун барча шарт-шароит яратилган. Замон талаблари асосида жиҳозланган ўқув хоналарида ўқувчилар тиббиёт илмининг сир-асрорларини пухта ўрганишмоқда.

Шунингдек, ўқув муассасамизда ўғил-қизларнинг спорт билан мунтазам шуғулланишларига ҳам катта эътибор берилади. Аниқроғи, уларнинг барчаси турли спорт тўгаракларида машғулотлар олиб боришади.

Юртимизда қайси соҳада бўлмасин, иқтидорли ёшлар, албатта, қўллаб-қувватланади. Ўзимдан мисол, ўтган йили спортдаги ютуқларим туфайли Зулфия номидаги Давлат мукофотига сазовор бўлдим. Ушбу беқиёс ғамхўрлик ҳаётимдаги унутилмас воқеалардан бирига айланди. Ана шундаги масрурлик мени доимо руҳлантириб туради. Муҳими, бу юксак мукофот янада юқори марраларни забт қилишга даъват этади.

Дурдона ОЛИМОВА,

Зулфия номидаги Давлат мукофоти соҳибаси.

 

 

 

 

 

 

 

 

Кўриш қобилияти чекланганлар учун

A- A A+

Кўп ўқилган