XS.UZ
Мамлакатимиз тўқимачилик ва енгил саноатининг экспорт салоҳияти Ўзбекистон — Туркия: Икки томонлама ҳамкорликни мустаҳкамлашда муҳим қадам «Ўзбекистон янги марраларни кўзламоқда» Шанхай ҳамкорлик ташкилотига аъзо давлатлар Адлия вазирларининг бешинчи мажлиси тўғрисида ахборот Ёш халқаро шахмат устаси Жавоҳир Синдоровга Президентимиз совғаси топширилди Битим имзоланди Сўз ва амал уйғунлиги — улуғ фазилат Тил — миллат кўзгуси Корхона ривожи таъминланади Илм-фан фидойисига эҳтиром Ер — бебаҳо хазина Тафаккур дунёсига йўл Олтинкўлда ХVI-XVII асрларга тааллуқли тангалар топилди Замонавий шифохона Жаҳон чемпионати совриндори Нуфузли мусобақа арафасида Тажрибали рақибидан устун келди “Халқ сўзи” ва “Народное слово” таҳририяти ходимлари пахта йиғим-теримида фаол иштирок этмоқда Агрепина Шин Ўзбекистон Республикаси Мактабгача таълим вазири ЕТТБ тадбиркорлик субъектлари учун кредитлар тақдим этади Депутатлар ислоҳотларнинг ҳуқуқий базасини янада такомиллаштиришга қаратилган қонун лойиҳаларини кўриб чиқдилар Инновацион ишланмалар нефтни қайта ишлаш соҳаси ривожини жадаллаштиради Савдо-иқтисодий муносабатлар янада мустаҳкамланади Ҳарбийларимиз “Кембрия патрули” халқаро танловида совриндор бўлди «Ўзбекистоннинг тенг ҳуқуқли фуқаросиман!» Мактабгача таълим соҳасида замонавий тизим яратилади Илғор тажрибалар ва бозор механизмлари Юртимизда яратилаётган кенг имкониятлар Токиода муҳокама қилинди Фойдаландингизми, ҳақини ҳам тўланг Шавкат Мирзиёев Кавказ мусулмонлари идораси раиси шайхулислом Оллоҳшукур Пошшозода бошчилигидаги делегацияни қабул қилди
  • 23 Май 2014

«Ёшлар кўли» эпкинлари

...Отамурод бобо “Ёшлар кўли” яқинида жойлашган маҳаллада истиқомат қилади. Бугун саксон ёшдан ошган. Кўп йиллар ҳайдовчилик қилди. Собиржон ота ҳам саксонга яқинлашди. Улар бир маҳалладан, қўшнилар. “Ёшлар кўли”да қурилиш, ободонлаштириш ишлари бошланган кунданоқ маҳалладошлар бу ерга келиб, хайрли ишларни кузатиб боришди.

— Узоқ йиллар шу йўлдан машина ҳайдаб ўтардим. Қолаверса, уйларимиз бу ерга яқин. Кўл ичидаги сув бир жойда туриб, кўлмак ҳолига келиб қолган, анча ифлосланган, кўл бўйида ёввойи ўтлар — янтоқ, юлғунлар ўсиб ётар эди, — дейди Отамурод бобо.

— Ёввойи ўтлар ўсиб кетганидан, гоҳида болалар ташқарида ўйнашга ҳайиқишарди, — деди унинг сўзларини давом эттириб Собиржон ота. — Ўтган йили набираларим “Ота, кўл бўйига бир бориб кўринг”, деб қолишди. Маҳалладаги тенгқурларим билан бу ерга келиб, жуда қувониб кетдик. 

Президентимизнинг Хоразм вилояти саноат салоҳиятини ривожлантириш, Урганч шаҳрини ободонлаштириш ва сув таъминотини яхшилаш, вилоятда сайёҳлик соҳасини тараққий эттиришга қаратилган қарорлари асосида воҳада улкан бунёдкорлик ва ободонлаштириш ишлари амалга оширилмоқда. 

Бугун “Ёшлар кўли” таниб бўлмас даражада обод, файзли, муҳташам, кўркам, гўзал қиёфада барчани ўзига чорламоқда. Дам олиш масканининг умумий майдони 15,5 гектар бўлиб, у аҳоли, ёшлар, шунингдек, сайёҳларнинг дам олиши учун мўлжалланган маданий-меъморий мажмуадир. Кўл ичидаги тоза, зилол сувга қараб баҳридилингиз очилади. Бу ерда дўконлар, чойхона, кафелар, шахмат клуби, автомобилларнинг тўхташ жойини барпо этиш ва бошқа ишлар талаб даражасида бажарилди. 14 турдаги аттракционлар олиб келиб ўрнатилди.

Уюшқоқлик, ҳамжиҳатлик билан бошланган хайрли, эзгу ишлар бугун барчанинг кўнглини шод этиб, бу гўзаллик, ижод, нафосат гулшани билан танишишга таклиф қилмоқда. Эътиборлиси шундаки, “Ёшлар кўли” дам олиш маскани фақат сув ҳавзасидан иборат бўлмай, балки ўзига хос очиқ осмон остидаги музей ҳамдир. Махсус меъморий лойиҳа асосида бу ерда Самарқанд, Бухоро, Хива, Шаҳрисабз каби қадимий шаҳарлардаги тарихий обидалар — Регистон майдони, Минораи Калон, Калтаминор, Оқсарой ва бошқа ёдгорликларнинг макетлари ўрнатилган. Шундай қилиб, кўл ҳудудига келган ҳар бир киши гўзал ва бетакрор табиат манзарасидан баҳраманд бўлибгина қолмай, бой тарихимиз билан ҳам танишиши мумкин. Бу, ўз навбатида, ёшлар маънавиятини бойитиш, уларда Ватанга муҳаббат туйғуси, тарихимизга ҳурмат ҳиссини кучайтиришда муҳим аҳамият касб этади. 

— Мамлакатимизда ёшларнинг баркамол вояга етиши, истеъдодини рўёбга чиқариши учун барча шарт-шароит яратилган, — дейди “Камолот” ёшлар ижтимоий ҳаракати Хоразм вилояти Кенгаши раиси Мансур Машарипов. — “Ёшлар кўли”да ҳам ўқувчи-ёшларнинг бўш вақтларини мазмунли ташкил қилиш учун янги имкониятлар пайдо бўлди. 

Дарвоқе, бу ерда ташкил этиладиган турли тадбирларга республикамизнинг барча вилоятларидан фаол, истеъдодли ёшлар, таниқли ижодкорлар, санъаткорлар ташриф буюришади. Концерт дастурлари катта шодиёнага айланади.

Солия РАҲИМБЕРГАНОВА.

 

 

 

 

Кўриш қобилияти чекланганлар учун

A- A A+

Кўп ўқилган