XS.UZ
Ўзбекистон Президенти Шавкат Мирзиёев Жаҳон банки вице-президентини қабул қилди Фракцияларда ҳаётий масалалар, долзарб вазифалар кўриб чиқилди «Ўзбекистонда олиб борилаётган кенг қамровли иқтисодий ислоҳотлар юқори баҳога лойиқдир» Оналар кўнглидаги розилик — бу бутун халқимиз қалбидаги розилик ифодаси Замонавий саноат марказлари Имтиёз ташаббусга ундади Мақсад — тараққиётга кўмаклашиш Истомин Жоковични мағлуб этди Қўшимча даромад манбаи Юридик хизмат фаолиятини тубдан такомиллаштириш чора-тадбирлари тўғрисида Cоғлом авлод — келажак пойдевори Азизлари қадр топган юрт Смартфонлар бозори ривожланмоқда Юксак ишонч ва масъулият Дўстлик кечаси Йўл ҳаракати хавфсизлигини таъминлаш — доимий эътиборда Транспорт хизмати сифатини янада оширишда муҳим қадам Ислоҳотларнинг янги босқичи Улуғворлик тимсоли, буюк жасорат соҳиби Очиқ ва самарали мулоқотни йўлга қўйиш депутатлар фаолиятида алоҳида ўрин тутади Замон талабини ҳис этмасдан, эскича ишлашга энди ҳеч биримизнинг ҳаққимиз йўқ Баркамол авлод тарбияси Барқарор тараққиёт асоси Танқидий ва таҳлилий фикрлар янги марраларни эгаллаш учун мустаҳкам заминдир Мавжуд камчиликлар ўз жойида ҳал этилади Миллий армиямиз қудратини юксалтириш — долзарб вазифа Ислоҳотлар самарадорлиги кафолати Халқ ишончини оқлаш ҳар биримизнинг зиммамизга улкан масъулият юклайди Кутилаётган натижалар таҳлили Тавсиянома — энг муносибларга
  • 23 Май 2014

Мумтоз анъаналар илҳоми

Илк марта улкан дарахтнинг тасвирини оппоқ қоғозга қайта-қайта солганимни яхши эслайман. Энди ўйласам, она-табиатга шайдолик қўлимга қалам тутқазган экан. Бу ихлос бора-бора кенг далалар ва даштликларни қамраб олдики, уларда қўнғироғини жаранглатиб, вазмин қадам ташлаётган туялар карвони ижодий ишларимнинг илҳомчиси бўлиб қолди.

Ҳар гал ишга киришар эканман, мусаввир Камолиддин Беҳзоднинг Низомий Ганжавий, Алишер Навоий ва бошқа салафларнинг шоҳ асарларига битилган миниатюраларини кузатаман. Негаки, ушбу асарларда ҳаққонийлик ва ҳаётийликнинг гўзал намуналари акс этган ҳамда бу кишига олам-олам завқ улашади. Шу боис ижодий ишларимда, асосан, тарихий ва лирик қаҳрамонлар тимсолларини яратишга ҳаракат қиламан.

Айниқса, мамлакатимизда Президентимиз раҳнамолигида ёш ижодкорларнинг ҳар томонлама қўллаб-қувватлаб келинаётгани, ҳамма қатори, мени ҳам янгидан-янги ижодий парвозларга ундамоқда. Шунингдек, халқ ҳунармандчилигини ривожлантириш борасида ҳам эътиборли ишлар ҳаётга татбиқ этилаётир. Жумладан, “Олтин мерос” халқаро хайрия жамғармаси, республика “Ҳунарманд” уюшмасининг амалий саъй-ҳаракатлари туфайли замонавий устахонага эгамиз. Бу ерда “Устоз — шогирд” анъанаси йўлга қўйилган бўлиб, касб-ҳунар коллежларини тамомлаган ўн нафар ёш мусаввир миниатюра сирларини ўрганиб боришаяпти.

Энг муҳими, ижодий ишларимизни санъатсеварлар эътиборига ҳавола этишда ҳам қатор имтиёзларга эгамиз. Ҳунармандлар ўртасида ҳар йили ўтказиладиган “Ташаббус” кўрик-танловида мунтазам қатнашиб келаяпмиз. 2011 йилги кўрик-танловнинг “Оилавий бизнес” номинациясида биринчи ўринни қўлга киритдик.

Албатта, республикамизда ҳунармандчилик, хусусан, миниатюра санъатини ривожлантириш учун яратиб берилаётган шарт-шароитлардан ҳар бир ҳунарманд мамнун. Зеро, бундай имкониятлар ижодимизнинг янада юксалишида муҳим омил бўлмоқда.

Камолиддин АБДУЛЛАЕВ,

мусаввир, «Ташаббус — 2014»  кўрик-танловининг

«Энг яхши ҳунарманд» йўналиши совриндори

 

 

 

 

Кўриш қобилияти чекланганлар учун

A- A A+

Кўп ўқилган