«Олам маъмурлиғи алардин...»
XS.UZ
Фоторепортаж: Шавкат Мирзиёевнинг Корея Республикасига давлат ташрифи (22-23 ноябрь) Иш билан банд бўлмаган юртдошларимиз диққатига! Жанубий Корея Ўзбекистонга 500 миллион АҚШ доллари миқдорида сармоя йўналтиради Ўзбекистон — Корея Республикаси: ҳамкорликни ривожлантириш учун мавжуд имконият ва салоҳият тўлиқ ишга солинмаётгани қайд этилди Ўзбекистон ва Қозоғистон Президентлари бир-бирларини қутладилар Спорт паспорти тўғрисидаги низом тасдиқланди. Ундан қандай ҳолларда фойдаланиш мумкин? Тошкентга 24 ноябрь куни Аскар Мамин бошчилигида делегация келади Адлия вазири Руслан Давлетов Қозоғистон Республикасининг Ўзбекистондаги элчиси Эрик Утембаев билан учрашди Парк Вон Сун Шавкат Мирзиёевга Сеул шаҳрининг фахрий фуқаролигини топширади Демократик қадриятларга содиқлик ифодаси Тошкент метрополитени: Ривожланишнинг дадил одимлари Дарёнинг ҳам эгаси бор! Сайёҳ кейинги сафар гилам олади Фермер хўжалигида энди чеварлар ҳам ишлайди Антиқа гуруч «Китоб 24» акцияси: Фаол мутолаа майдони Хоразмда Халқаро Амударё кунлари Икки босқичли модернизация Жиноятнинг илдизи қаерда? Олтинкўлнинг кўркам бозори Ислом Каримов ёдгорлик мажмуасида Япониянинг «Сока Гаккай» ташкилоти вице-президенти Кендзи Йосиго билан учрашув ўтказилди Эксклюзив: Мун Чжэ Ин Мирзиёевни Кореяга нима учун таклиф қилганига изоҳ берди Кореяда “Ўзбекистон Республикаси Президенти Шавкат Мирзиёев” номли китоб чоп этилди Шавкат Мирзиёев Жанубий Корея - Ўзбекистон бизнес-форумида иштирок этди Президент қарори:“Мард ўғлон” давлат мукофоти таъсис этилди Меҳнат вазирлиги ҳамда Кичик ва ўрта бизнес конвергент ассоциациялари Уюшмаси (Корея) ўртасида меморандум имзоланди Тошкент – Сеул: Кореялик ишбилармонлардан интервью (Видео) Ўзбекистонда “Hyundai” автомобиллари ишлаб чиқарилади Ўзбекистон ва Корея Республикаси ўртасида қиймати 12,3 миллиард АҚШ долларидан зиёд бўлган 75 та ҳужжат “Evergreen Holdings” (Корея) Ўзбекистонда цемент заводи қурилиши учун 300 миллион доллар сармоя киритади
  • 26 Март 2016

«Олам маъмурлиғи алардин...»

Баҳор — табиат уйғониб, борлиқнинг ҳаракатга келиши, чор-атрофнинг ям-яшил тусга кириб, кишиларни деҳқончилик, экин-тикин юмушларига чорлайдиган бетакрор фаслдир.

Бу ҳақда улуғ бобокалонларимиз, айниқса, Алишер Навоий ижодига мурожаат қилсак, кўклам ва Наврўз мавзуи юксак даражада тараннум этилганига гувоҳ бўламиз.
Жумладан, шоирнинг “Маҳбуб ул-қулуб” асарида деҳқону миришкорлар меҳр ила тилга олинадики, беихтиёр “Офарин” дейсиз. Бинобарин, буюк бобокалонимизнинг катта ҳаётий тажрибаси маҳсули бўлган мазкур асарда, асосан, инсоннинг касб-ҳунарига доир одоб-ахлоқи, маданияти, шунингдек, фазилат ва нуқсонлари кўрсатиб ўтилади.
Мазкур асарнинг “Деҳқонлар зикрида” деб номланган бобида деҳқон меҳнати, матонати шарафланади. Бободеҳқон меҳнати ҳақида сўз борар экан, шоир фақат ёрқин бўёқлардан фойдаланади, теран хулосаларини баён этади: “Олам маъмурлиғи алардин, олам аҳли масрурлиғи алардин...
Деҳқонки дона сочар, ерни ёрмоқ била ризқ йўлин очар... Деҳқонки тузлуқ (тўғрилик, яхши ният) била дона сочар, ҳақ (Аллоҳ) бирига етти юз эшигин очар...”
Шоирнинг деҳқонга юксак эҳтироми ўзгача руҳ билан йўғрилганлиги бежиз эмас, албатта. Бу касб эгаларининг “ризқ йўлини очувчилар” дейилиши ҳам бор гап. Масалан, деҳқон ҳосил кўтариб, хирмон қилгунча ундан қушларми, қурт-қумурсқаларми, кемирувчи жонзотлар дейсизми, барчаси баҳраманд. Ўроқчию машоқчилар ҳам қуруқ қолмайдилар, ризқ топадилар. Дон хирмонга уюлгач ҳам ризқ йўли “тўсилмайди”. Ва Навоий дейдики: “Деҳқоннинг бир дона сочарида бу ҳолдир, ўзга ишларига таъриф маҳолдир...”
Энди Наврўз шукуҳи қалбларимизни сурурга тўлдириб, ҳаётимиз янада фаровон, бозорларимиз файзу баракали бўлиб бораётган шу дориламон кунларимизга қаранг. Турмушимиздаги ободликни кўринг. Бу нимадан? Мустақиллик туфайли деҳқон меҳнати қадр топаётганидан эмасми? Ерга бўлган муносабат ўзгариб, бебаҳо хазинамиз ўзининг асл эгаларига берилаётганининг шарофати эмасми бу? Биз-чи? Биз ҳамиша ҳам бундай фаровон ҳаётнинг қадрига етаяпмизми, уни асраб-авайлаяпмизми?
Шу ҳақда ўйлаганда, ҳақиқий фаровонликни ҳалол меҳнатда, сабру қаноатда, деб билган улуғ бобокалонимизнинг теран тафаккурига қойил қоласан, киши.

Омонулла МАДАЕВ.

СЎНГГИ ЯНГИЛИКЛАР