XS.UZ
Мамлакатимиз тўқимачилик ва енгил саноатининг экспорт салоҳияти Ўзбекистон — Туркия: Икки томонлама ҳамкорликни мустаҳкамлашда муҳим қадам «Ўзбекистон янги марраларни кўзламоқда» Шанхай ҳамкорлик ташкилотига аъзо давлатлар Адлия вазирларининг бешинчи мажлиси тўғрисида ахборот Ёш халқаро шахмат устаси Жавоҳир Синдоровга Президентимиз совғаси топширилди Битим имзоланди Сўз ва амал уйғунлиги — улуғ фазилат Тил — миллат кўзгуси Корхона ривожи таъминланади Илм-фан фидойисига эҳтиром Ер — бебаҳо хазина Тафаккур дунёсига йўл Олтинкўлда ХVI-XVII асрларга тааллуқли тангалар топилди Замонавий шифохона Жаҳон чемпионати совриндори Нуфузли мусобақа арафасида Тажрибали рақибидан устун келди “Халқ сўзи” ва “Народное слово” таҳририяти ходимлари пахта йиғим-теримида фаол иштирок этмоқда Агрепина Шин Ўзбекистон Республикаси Мактабгача таълим вазири ЕТТБ тадбиркорлик субъектлари учун кредитлар тақдим этади Депутатлар ислоҳотларнинг ҳуқуқий базасини янада такомиллаштиришга қаратилган қонун лойиҳаларини кўриб чиқдилар Инновацион ишланмалар нефтни қайта ишлаш соҳаси ривожини жадаллаштиради Савдо-иқтисодий муносабатлар янада мустаҳкамланади Ҳарбийларимиз “Кембрия патрули” халқаро танловида совриндор бўлди «Ўзбекистоннинг тенг ҳуқуқли фуқаросиман!» Мактабгача таълим соҳасида замонавий тизим яратилади Илғор тажрибалар ва бозор механизмлари Юртимизда яратилаётган кенг имкониятлар Токиода муҳокама қилинди Фойдаландингизми, ҳақини ҳам тўланг Шавкат Мирзиёев Кавказ мусулмонлари идораси раиси шайхулислом Оллоҳшукур Пошшозода бошчилигидаги делегацияни қабул қилди
  • 26 Март 2016

«Гулу сабза айёмида бўлди тўй...»

Алишер Навоий асарларида Наврўз одамга хушнудлик бахшида этадиган айём сифатида таърифланади.

Чиндан ҳам, шарқона янги йил дебочаси ҳисобланган мазкур байрам ўзининг мўъжизакорлиги билан кишини ҳайратлантиради, ундан завқланиш бахтига ошно қилади.
Чунончи, Алишер Навоий “Садди Искандарий” достонининг эллик олтинчи фасли хотимасида Наврўз оламу одамни ўз нури, зиёси ила мунаввар этади, бундай муборак дамларда меҳр-муҳаббат, дўстлик, оқибат каби фазилатлар инсон ҳаётини навбаҳор шодликлари каби безайди, дея уқтиради:
Баҳор эрдию гул арусиға зеб,
Арусона булбулға андин фиреб.
Гулу сабза айёмида бўлди тўй,
Бўлуб гулшан ойин била шаҳру кўй.
Аёқчи, кетур жомни лаб-балаб,
Ки, тўй ўлди айёми айшу тараб.
Ки, бу сур эрур олам афрўз ҳам,
Хусусан эрур фасли Наврўз ҳам.
Муғанний тузуб чинга вазнида чанг,
Наво чекки,  ҳай-ҳай ўланг, ҳой ўланг.
Яъни баҳор келдию гул келинчакдек ясанди, у булбулни ўзига келинлардек ром этди. Гулу сабзалар униб, яшнади, борлиқ бамисли тўю тантана  сувратига  кирди. Шаҳар кўчалари гулшан тусида товланди. Демак, айни пайт шодлик ва масрурлик айёмидир. Карнай-сурнай овози оламни мунаввар айласин. Наврўз фасли ҳозир. Муғанний чангни шайласин, бир куй чалсинки, тўю тантана оҳангига мос келсин.         
Худди шу достоннинг эллик еттинчи боби дебочасида “Йигитлик баҳорининг хушлуғи ва баҳор йигитлигининг дилкашлиғида гул ва булбулдек ва наво тузмак ва юз барг ва минг наво била нағма кўргазмак ва гулустон атфоли саҳоб доясидин сут ўрниға шираи жоний ва сув ўрниға оби зиндагоний ичгонидин руҳ наботи топқонин баён қилмоқ” деб баҳор фаслини йигитлик айёмига ўхшатиб, гўзал  ифодани келтириб ўтади.
Шу билан бирга, Навоий ўз асарларида баҳор ризққа йўл очувчи зироат, экин-тикин, деҳқончилик ойи эканлиги, мамлакат ободлиги, халқнинг маъмурчилигига восита ҳисобланмиш неъматларга лойиқ бўладиган бетакрор фасл эканлигига алоҳида урғу беради.
Кимки деҳқонлик айлади пеша,
Дағи нон бермак ўлди анга шиор,
Бўйла кимса улувви рифъатдин,
Одам ўлмаса, одамий худ бор.
Айтиш жоизки, шу кунларда  мамлакатимизда Наврўзи олам  шукуҳи кезмоқда. Навоий айтганидек, карнай ва сурнайлар навоси бутун оламга таралган. Юртимиз шаҳару қишлоқлари гулу чаманларга бурканган. Бахти кулган, иқболи порлаган халқимиз шарқона янги йилнинг абадият қўшиқларига жўр бўлишаётир. Бинобарин, Президентимиз таъкидлаганидек, Наврўз байрами биз учун ҳаёт абадийлиги, табиатнинг устувор қудрати ва чексиз саховатининг, кўпминг йиллик миллий қиёфамиз, олижаноб урф-одатларимизнинг бетакрор ифодасидир.

Исҳоқ НОСИРОВ,
филология фанлари номзоди.

Кўриш қобилияти чекланганлар учун

A- A A+

Кўп ўқилган